BAU: Jematan Gantung Tasik Biru deka mulaika pengingat lama Tasik Biru ti kala nyadi kelai ba pelilih mit nya.
Adun Tasik Biru Datuk Henry Harry Jinep madahka jematan keterubah meraka tasik nya digaga ba jeman taun 70-an kelia.
“Jematan nya udah direrakka ba taun 90-an berindik ari pengawa pengawa ngali (emas) renggat kedua ba taun nya,” ku iya.
Henry madah munyi nya lebuh bejaku ba pengawa nasih tanah Jematan Tasik Biru ditu, pagi tadi.
Pengawa nasih tanah beserimbai enggau Pengerami Tasik Biru nya dipenyadika Menteri Muda Infrastruktur enggau Pemansang Penyangkai Kapal Datuk Julaihi Narawi.
Nangkan nya ku iya, jematan enggau pemanjai 60 meter nya deka nyadi siti pekara ti narit penemuai mensia mayuh ari menua tu enggau menua luar ngagai Tasik Biru.
