11 rumah panjai di Dudong deka dibantu bulih RES

SIBU: Bisi 11 buah rumah panjai pemadu ujung ba sitak Kunsil Nengeri (Dun) Dudong deka dibantu Parti Sa’ati Rayat Sarawak (SUPP) Pampang Dudong ngulihka Skim Kuasa Karan Menua Pesisir (RES) ari Perintah Sarawak.

Entara rumah panjai tu iya nya Rumah Jackson Sibat di Nanga Assan, Rumah Anggau Minggat (Sungai Pasai Tengah), Rumah Vinchai Jimie (Tanjung Kerto), Rumah Dayong Sabak (Ulu Sungai Assan), Rumah Julie Pasi (Batu 12, Sungai Terentang, Jalan KJD), Rumah Lini Sudin (Sungai Assan Nunggang), Rumah Gundah Sipuok (Sungai Assan), Rumah Lyn Banyih (Sungai Durin), Rumah Jackson Jelian (Batu 16, Jalai Oya), Rumah Munggai Entri (Ulu Pasai Engkabang) enggau Rumah Naning Salleh (Ulu Pasai Engkabang).

Chairman SUPP Pampang Dudong Wong Ching Yong madah, bekal kuasa karan nya perengkaguna pemun rayat enggau diguna sida sama enggau bekal ai.

Terang iya, surat peminta rumah panjai nya udah disua SUPP Pampang Dudong ngagai Menteri Utiliti Datuk Sri Dr Stephen Rundi kena bulan Disember 2019 enggau bulan June tu tadi.

Suara Sarawak