20 menua nyereta randau pasal kraf di Kuching

KUCHING: Pengari artis kraf ari 20 buah menua nyereta Randau Rentayan Kraf Dunya beserimbai enggau The 10th Biennial Weft Forum, Exhibition and Fashion Show on “Dress and Cultural Identity” & AHPADA Assembly 2019.

Entara menua ti nyereta Randau Rentayan Kraf Dunya iya nya Indonesia, Filipina, Singapore, India, Bangladesh, Kyrgyzstan, Kazakhstan, Uzbekistan Oman, Iran, Japan, USA, China, Thailand, Taiwan, Laos, Britain, Australia nyengkaum pengari ari Sarawak enggau Malaysia.

Kepala Menteri Datuk Patinggi Abang Johari Tun Openg madah, Kuching suah nyadi palan dipilih bala artis seni entarabansa ti ngiga kraf pemadu manah ari Sarawak enggau Borneo kelimpah mandangkan pupu bansa ba menua tu.

Pia mega, Abang Johari madahka diri berasai gagit ngenataika diri ngambi ulih berandau enggau bala Gabenor, Datuk Bandar sereta pemesai ti udah datai ngarika menua sida empu.

Abang Johari enggau pengari menua bukai deka berandau pasal rentayan, bekunsika peneleba sereta kaul kerejasama sentang pemesai guna kraf dalam penemuai, main asal, pekara pelajar enggau ekonomi.

Iya mansutka jaku nya lebuh bejadi randau nya ba Kampus Muzium Baru Sarawa ti deka diatur pengelama tiga hari berengkah pagi tadi nyentuk lusa.