20 rengka jelu siga dirampas SFC

MIRI: Ejensi Kampung Sarawak (SFC) ngerampas kira-kira 20 rengka jelu siga nyengkaum sekeda bansa jelu dijaga penuh ba siti operasyen di Niah kemari.

SFC ba penerang sida madahka pengawa meresa dipejalaika SFC Wilayah Miri ba sebuah kedai makai tetemuka ikan gergaji, kulit jelu mayau enggau dua keruntuk pala jelu jangkit, tiga keruntuk jelu karnivor enggau dua iku baning ti dijaga.

Siku lelaki peranak menua tu beumur 45 taun mega ditan enggau ditukik dikena mantu pansik nitihka Ordinan Perlindungan Hidupan Liar 1988.

“Pansik agi dipejalai lalu kami beratka pekara tu,” ku Ketuai Pemesai Eksekutif SFC, Zolkipli Mohamad Aton ti mega madahka penganda jelu siga dikangau ngambi ngelala bansa jelu nya.

Berebak enggau nya, iya meri besai terima kasih ngagai mensia mayuh udah meri kerejasama munaska pengawa bejualka jelu siga.

“Raban penerit adat kami sikar gawa berindik ari pemujur operasyen sebedau tu lalu kami seruran bejimat enggau bekerejasama enggau ejensi bekaul,” ku iya madah nyemetak.

SFC tau ditelefon ba lumur 019-8859996 (Kuching), 019-8883561 (Sibu), 019-8332737 (Bintulu) enggau 019-8290994.

Suara Sarawak