KUALA LUMPUR: Yayasan Petronas deka meri kit nyaga pemeresi diri enggau kereban sekula ngagai 21,000 nembiak sekula primari ruang bilik seranta nengah Program Nurun Ke Sekula 2021 (BTS 2021).
Ketuai Pegawai Eksekutif Yayasan Petronas, Nelly Francis Shariah madahka, kit nyaga pemeresi diri enggau kereban sekula nya deka disadung ngagai sekula ba Johor, Kelantan enggau Kuala Lumpur.
Iya madah, pemeri ke sebaka deka disadung ngagai sekula ba Melaka, Negeri Sembilan, Pahang, Pulau Pinang, Perak, Perlis, Sabah, Sarawak, Selangor enggau Terengganu, berengkah ari 8 ngagai 24 March tu.
“Nengah program nya, bala nembiak deka nerima dua iti sengkabung mua tiga serak ulih dikena baru, kain mandi mit, sekutak sabun enggau kantung sekula.
“Sida tu mega diberi deka butul ai, bup, set pensil enggau kereban belajar bukai sereta dua set uniform sekula, kasut enggau stukin,” terang iya.
Ku Nelly, Yayasan Petronas enggau kerejasama Opis Menteri Pelajar Malaysia (KPM) deka ngelangkar pelin belajar ungkup bala pengajar ngambi ulih ngajar nembiak sekula primari taun tu pasal chara nyaga pemeresi.
