26 iku dikompaun ngelanggar PKP di Sibu

SIBU: Sepenyampau 26 iku ditemu ngelanggar Atur Tagang Pejalai (PKP) ba dua bengkah endur jalai ke diempang, ditu tadi.

“Semua sida dikena kompaun RM1,000,” ku Ketuai Polis Pelilih Sibu ACP Stanley Jonathan Ringgit lebuh ngenukuka pekara nya ngagai pemberita.

Ku Stanley, ari penyampau nya bisi 17 iku udah dikompaun lebuh jalai diempang ba Jalai Lanang seraya semilan iku dikompaun lebuh polis bejalaika pengawa ngempang jalai ba Jalai Pedada.

“Pengawa ngempang jalai tu nentuka semina siku aja ba entukar iya nya siku deriba aja sekalika entukar tauka motosikal,” ku iya.

“Tiap penyalah, kitai deka kompaun sida enggau Polis DiRaja Malaysia (PDRM) neritka atur kompaun RM1,000 ngagai sida ti ngelanggar atur PKP berengkah ari 8 April tu tadi.

Direktor Pengelikun Dalam Menua enggau Pengelantang Mensia mayu Bukit Aman Datuk Seri Acryl Sani Abdullah Sani madah, kompaun nya dipejalai nitihka Peraturan-Peraturan Pencegahan dan Pengawalan Penyakit Berjangkit 2020 (Akta 324).

Terang iya, atur ngeluarka kompaun ngagai pesalah PKP dipejalai nitihka prosedur operasyen standard (SOP) ti udah dtetap.

Suara Sarawak