BALAI RINGIN: Urung 4,000 pintu bilik ba sitak Dun Balai Ringin belabuh nerima bantu pemakai Sarawakku Sayang.
Pengawa nyadung bantu nya udah sereta benung chakah dipejalai berengkah ari seharitu.
Adun Balai Ringin, Datuk Snowdan Lawan, madahka diri deka nentuka semua ruang bilik ba sitak nya bela ampit nerima bantu nitihka pematut.
“Kitai udah berengkah nyadung bantu tu ari seharitu (kemari) ngagai lebih kurang 4,000 penerima ungkup Dun Balai Ringin.
“Kelimpah ari nya, kitai mega deka nentuka semua ruang bilik ditu bela ampit ngasaika pemaik ari bantu disadung tu,” ku iya madah ngagai pemberita, tadi.
