Agenda pemansang ekonomi digital terus dikemasang

KUCHING: Pemansang arus penyambung menua pesisir seruran dikemeran nipakka agenda ekonomi digital dikemansang Kepala Menteri Datuk Patinggi Abang Johari Tun Openg.
Beduduk ari nya, Sekretariat Telekomunikasyen Sarawak betuaika Kaunsil Multimedia Sarawak (SMA) sereta Komiti Komunikasyen enggau Multimedia Malaysia (SKMM), Opis Nengeri Sarawak udah meri penerang ngagai Abang Johari ke mega Ketuai Komiti Besai Telekomunikasyen di Sarawak pasal pemansang projek infrastruktur arus penyambung di Wisma Bapa Malaysia, ditu kemari.
Nya kebuah, infrastruktur digital nya pekara pemadu beguna dalam ekonomi digital.
Penerang nya mega udah dibantai ngagai Telekomunikasyen Menua Pesisir SMA (Smart) enggau Pelin Bungkur Digital Menua (Jendela) MCMC merambu nyambung wifi, satelit enggau wifi tetap (FWA).
Nitihka penerang nya, 636 kandang menua baru kena bungkur inisiatif Jendela, mungkur 38.3 peratus ari 1,661 endur dirintai enggau perambu deka ditutup kena 31 March tu.
Pia mega, 636 kandang menua ti kena bungkur inisiatif tu nentuka perintah betatika peminta ba kandang menua pesisir.
Ba lansa sama, Pelin Smart deka nirika 600 agi tiang ungkup Jendela dalam Projek First300 enggau Next300.
Naka tu, 242 tiang pemanchar udah tembu ungkup Projek First300 seraya perambu desktop udah tembu ungkup Next300 enggau tiang pemanchar bukai ungkup First300 diatu benung didiri.
Berebak enggau nya, inisiatif nyendiaka wifi ungkup 300 tiang pemanchar keterubah ti udah tembu deka dipasang ba suku kedua taun tu enggau deka mungkal projek Next300.
Taja pia, juluk besai pengawa nyambung arus penyambung tu nentuka selampur Sarawak kena bungkur arus penyambung.
Dikena mutarka penanggul nyambung arus penyambung, Saluran200 Terminal Aperture Sangat Kecil (VSAT) nyadi sebagi ari SMART disadang deka dipejalai pun bulan Februari pengudah pengawa tender mujur.
Nambahka nya, 200 VSAT deka dikena dulu ngambi mutarka takah digital enggau lengkas lalu VSAT / s deka ditukar baru nitihka servis diguna pengudah VSAT dipasang.
Kelimpah ari nya, peranak ba 60 kandang menua di Jalai Sebauh Bintulu deka disikap wifi tetap enggau masang kabel gentian optik 130 kilometer lalu pengawa ngelancharka servis tu diperambu deka dipejalai ba suku kedua taun tu.
Sama mega ngena serat optik dikemisi ba menua tu, 150 tiang pemanchar baru enggau kedua ba kandang menua semak mengeri enggau menua pesisir di Sarawak deka nyendiaka wifi ngambi peranak dia disikap arus penyambung.
Konsep FWA tu dikena nambahka peneras arus penyambung lalu dikearap ulih dikena ujung bulan Februari tu.
Menijar Besai SMA, Dr Zaidi Razak madahka kaunsil nya deka chakah bejalaika mayuh projek taja maya pandemik Covid-19 tu.
“Nya alai, kami begunaka kerejasama raban bekaul sekalika perintah enggau peribit nentuka projek telekomunikasyen lanchar dipejalai ngambi nangkup peminta mensia mayuh,” terang Zaidi.