BINTULU: Kaban Kunsil Nengeri (ADUN) Tanjong Batu, Johnny Pang Leong Ming ngabas Taman Desa Damai nitih sebana peranak dia bekaul penanggul parit alit. Asil meresa endur nya tetemu ke sekeda barang lama udah dibuai terus ke dalam parit ngujungka pengawa meresi enda ulih dikereja.
Johnny Pang nyemetak madah, atur lengkas meseti dipejalai kelebih agi sebedau musin ujan dikena nyeliah penanggul bah tunggal sereta penanggul pemeresi ba genturung pendiau nya.
Iya mega minta peranak dia berumban mindah ke barang nya lalu ngingat ke sida pengelikun sereta pengelantang komuniti nya tanggungpengawa begulai semua raban.
