KAPIT: Mensia mayuh diperansang sampal datai ngerichahka Agrofest Kapit 2019 kena 27 ngagai 29 September tu berambaika jaku ‘Pertanian Dihatiku’.
Pengerami diatur begulai Opis Betanam Betupi Kapit enggau opis perintah ke bukai ba Kompleks Perintah Nengeri, Jalai Bleteh ditu.
Nitih ku penerang, macham aktiviti udah dirintai ti disadang ulih matak penatai temuai sereta ngerichahka agi program tu ila.
Batang tuju pengerami tu diatur awakka mensia mayuh kelebih agi peranak menua Kapit enggau Song ulih ngelakuka produk ari utai tanam enggau jelu tupi sida.
Sapit Kepala Menteri ke mega Menteri Betanam Betupi, Tanah Adat enggau Pemansang Kandang Menua Datuk Amar Douglas Uggah Embas disadang datai nyadi temuai dipebasa lalu bejadika pengerami nya kena 28 September.
