Arap danji PH nyadi nyata

KUALA LUMPUR: Perintah Pakatan Harapan (PH) dikearap ulih bejalaika tanggungpengawa enggau ngamatka semaya sida ungkup projek Jalai Besai Pan Borneo dipelaba tembu 2022.

Kepala Menteri Datuk Patinggi Abang Johari Tun Openg madah ngarapka danji sida anang baka sungai nadai ulu.

“Taja pia, Perintah Sarawak bisi jalai alun bukai iya nya Jalai Tebing Tasik ari Telok Melano ngagai Miri ngena belanja kitai empu lalu nadai ngandalka saup belanja ari Putrajaya.

“Engka bisi bala kita nanya, berani endar Abang Jo ngemendarka projek ti besai-besai.

“Anang nangi, taja bisi menteri ditu madahka kitai Sarawak deka tengkerap kandang tiga taun enti kitai ngena bajet kitai tu. Enda ibuh irau, peranak Sarawak ukai belik,” ku iya.

Iya mansutka jaku nya rambau Townhall Begulai Enggau Kepala Menteri diatur ba Palan Mandang enggau Dagang Entarabansa Malaysia (MITEC) ditu kemari.

Suara Sarawak