ARTIKEL

Asil, kualiti utai tanam betambah nengah chara betanam fertigasyen, hidroponik

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

MARUDI: Perintah Sarawak benung bejalaika chara betanam fertigasyen enggau hidroponik kelebih agi ngagai raban pekebun ke agi biak.

Sapit Kepala Menteri Datuk Amar Douglas Uggah Embas madah, pengelebih kededua chara betanam tu iya nya enda begunaka mayuh tubuh gawa.

Pia mega ku iya, chara tu begunaka lot ti mantu raban pekebun ngintu utai tanam sida sereta nambahka asil.

“Bisi sekeda pekebun diatu ngena drone manjah enggau ngesum utai tanam sida. Chara moden tu meri pemaik ngagai bala pekebun kelebih agi sida ke agi biak, nambahka asil utai tanam,” ku iya lebuh nutup Agrofest Baram ditu, kemari.

Ari sekut makit ku Uggah, perintah diatu udah nunda chara serikat besai ke alai eksport ti ditumbuh deka mantu nyual produk betanam betupi.

BEREGA… Douglas Uggah disempulang bala bukai begambar ungkup kenang begulai enggau bala pengari pekebun projek rian Musang King di Marudi, kemari.

“Serikat tu bisi kilang nginjin ti diaku ba renggat entarabansa enggau kaul rentayan makit entarabansa besai,” ku iya.

Uggah ti mega Menteri Betanam Betupi Moden, Tanah Adat enggau Pemansang Kandang Menua madahka Perintah Sarawak deka berunding numbuhka palan ngumpul, nginjin enggau nungkus (CPPC) di Marudi enggau Beluru.

Kenu ku iya, di CPPC serikat besai deka meli enggau ngumpul produk betanam betupi ti dijual bala pekebun di menua nya.

Kelimpah ari nya ku iya, Perintah Sarawak mega deka berunding numbuhka taman agro di sitak Baram dikena mantu bala pekebun dia.

Dulu ari nya Uggah udah nyuaka perais ngagai bala pemenang pekit betanam betupi ba bemacham kategori ti diatur nyerumba pengerami nya.

Iya mega bisi nyuaka paung rian Musang King ngagai pengari ari lapan pelilih menua di Bagi Menua Miri.

Perintah Sarawak udah mansutka belanja penyampau RM1juta dikena meli 37,000 paung rian Musang King ngambika disadung.

BERITA LAIN

Peranak Bukit Saban nerima pala tanah

SPAOH: Bisi 350 peranak sitak Bukit Saban diatu berasai lantang lebih nerima Surat Pala Tanah Seksyen 18 Kanun Tanah Sarawak. Surat pala tanah nya meri

KMKK meseti pintar ngemansang Spaoh

SPAOH: Bala Tuai Komuniti enggau Tuai Raban Bansa (KMKK) dipinta ngena pemintar runding enggau berani nyerungkai peluang baru ngadu pemansang Spaoh nipak ubah dunya. Sapit

BERITA TERBARU

Peranak Bukit Saban nerima pala tanah

SPAOH: Bisi 350 peranak sitak Bukit Saban diatu berasai lantang lebih nerima Surat Pala Tanah Seksyen 18 Kanun Tanah Sarawak. Surat pala tanah nya meri

KMKK meseti pintar ngemansang Spaoh

SPAOH: Bala Tuai Komuniti enggau Tuai Raban Bansa (KMKK) dipinta ngena pemintar runding enggau berani nyerungkai peluang baru ngadu pemansang Spaoh nipak ubah dunya. Sapit