Begau, kedai ayam meletup

MIRI: Mensia mayuh begau pengudah tekenyit ninga utai meletup ba sebuah premis di Jalai Pelita 2 ditu lemai kemari.

Ba penusah ke nyadi urung pukul 3 lemai, siku orang ke nadai dikelala nikauka merechun ngagai pintu mua sebuah kedai ayam nembiak.

Pengudah nerima penerang ari mensia mayuh, seraban polis enggau bomba berumban ngesah palan penusah.
Taja pia, nadai sebarang penusah bakal tauka bebadi nyawa diripot nyadi bekau ari penusah nya.

Nitih penerang, maya penusah nyadi tauke kedai nadai ba endur nya lalu kebuah penusah nyadi apin ditemu.

Ripot polis udah digaga tauke kedai nya ba hari ke sama ngambika mansik kes.

Sapit Ketuai Polis Pelilih Miri, Supt Mohd Sabri Zainol maya dirandau ngenukuka nerima ripot bekaul enggau kes nya.