BINTULU: Mensia mayuh dilalau bekelimat ngena belanja sekumbang ngintu Gawai Dayak dikena nyeliah penanggul belanja.
Menteri Industri Pemakai, Komoditi enggau Pemansang Kandang Menua Sarawak, Datuk Seri Dr. Stephen Rundi Utom madah, timpuh hari besai ti panjai tau meri empas ngagai penegap belanja enti enda diperambu manah.
Ku iya, rayat meseti pintar ngatur belanja nyengkaum berunding ke utai diguna diri sebilik sereta pelajar bala anak.
“Gawai Dayak diintu Mei enggau June, tang manah agi enti enda nyentuk Julai laban belanja tau tebasau.
“Kitai mega patut pintar ngatur belanja diri sebilik nyengkaum utai diguna anak besekula.
“Enti ulih, kurang ke belanja ngambi duit ulih dikena ba pekara ti beguna agi,” ku iya.
Rundi nyebut jaku nya ba mua mayuh rambau Pengerami Mantar Gawai Dayak Sebauh 2026 dipenyadi Sapit Premier Sarawak, Datuk Amar Douglas Uggah Embas di Restoran Dinner World ditu, empai lama.
Iya madah, ulah bekelimat enggau ngatur belanja silik ulih mantu nentuka pengelantang ruang bilik sekumbang hari besai. – EDISI UKAS
