KUCHING: Penyampau 700 ruang bilik seranta ba kandang menua pesisir Lawas enggau Trusan udah dibantu.
Adun Ba’Kelalan, Baru Bian, madah, nengah kerejasama Gerempung Lun Bawang Sarawak, sida mujur mantu genap ruang bilik ti begunaka bantu kelebih agi maya napi penusah sekumbang Atur Mindah Betagang (PKP).
Ku iya, rayat ke diau ba dua kandang menua nya entara raban udah dikelala begunaka bantu pemakai laban putus belanja kelimpah jauh ari mengeri.
“PKP dilanjar baru ari 14 nyentuk 28 April berindik ari lalau Opis Menteri Pengerai Malaysia (KKM) enggau bala pemesai pengerai dikena kitai nagang pengerekai igi penyakit Covid-19.
“Minggu baru kami deka nampung pengawa nganjung bantu ngagai peranak ke diau ba menua Trusan Ulu,” ku iya.
Baru ngelalau mensia mayuh ke bisi tetemuka rayat ti suntuk pemakai sereta begunaka bantu kelebih agi ba menua pesisir deka madah ngagai sida.
Sida tau ngiga Simon Joseph ari Opis Palan Servis Parlimen Selangau tauka Gituen Labung ari Opis Palan Servis Dun Ba’Kelalan.
