KUCHING: Bisi dua Rang Undang-Undang baru deka dibantaika rambau Aum Kedua Bagi Penggal Kedua Kunsil Nengeri (DUN) Sarawak bekaul pekara ombudsman enggau rampa menua.
Speaker DUN Sarawak Tan Sri Mohamad Asfia Awang Nassar madahka dua RUU nya entara lima RUU ti deka dibantaika maya aum nya dipejalaika sepengelama lapan hari tu ila.
“Premier (Premier Sarawak Datuk Patinggi Tan Sri Abang Johari Tun Openg) kala madah ngagai DUN kena 24 Mei 2023 ku iya, Perintah Sarawak deka belajar pekara ombudsman ngagai menua Sweden laban menua nya bejalaika ombudsman ngagai ejensi nengah ripot terus ba Parlimen.
“Ku iya (Premier Sarawak), kitai engka nengeri ti keterubah bejalaika ordinan tu ngaul sistem ombudsman ti lurus iya nya ngadu ripot terus ke DUN,” ku iya.
Asfia bejaku munyi nya rambau aum pemberita Pra-Aum Serimbai Aum DUN Sarawak ba Indu Opis Parti Pesaka Bumiputera Bersatu (PBB) ditu tadi.
Ku iya, ordinan ombudsman tu ila nyelai ari Komiti Akaun Perintah Besai laban ngembuan kuasa, klausa enggau notis.
