KUCHING: Penyampau eksport kayu Sarawak taun tu kusut 20 peratus iya nya semina RM2.8 billion ba timpuh Januari ngagai September enti dibanding RM3.5 billion ba timpuh ti sebaka taun siti nyin kemari.
Menteri Pemansang Mengeri enggau Pengeraja Asal Kedua ti mega Menteri Dagang Entarabansa enggau Industri, Terminal enggau Pemansang Orang Dagang Datuk Amar Awang Tengah Ali Hasan madahka pengulih ari eksport kayu bagi timpuh semilan bulan tu kusut empas ari pandemik Covid-19 ketegal peminta kayu ari makit besai baka Jipun, India, menua Timur Tengah, Korea enggau menua bukai bisi nurun.
“Ba timpuh Januari ngagai September mega, rega eksport produk kayu baka papan lapis kusut 17 peratus iya nya RM1.5 billion enti dibanding enggau RM1.8 billion ba taun 2019.
“Eksport produk kayu ngagai makit besai iya nya Jipun kusut 17 peratus penyampau RM1.4 billion enti dibanding RM1.7 billion ba taun siti nyin kemari,” ku iya.
Iya bejaku munyi nya lebuh nyimpul jurai ba Aum Kedua Renggat Kelima Dun Ke-18 ditu, tadi.
Ku iya, dalam mantu industri kayu napi pangka pandemik Covid-19, perintah ngemendarka industri kayu besai beroperasyen maya Atur Mindah Betagang
