ARTIKEL

Gazet 31 Mei, 1 June nyadi hari besai menua

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Dikena mandangka kelai pelasar ‘Malaysia Madani’ ti tegap, Gerempung Pemikir Dayak Sarawak (DTTAS) meransang Perintah Besai ngaku Hari Gawai Dayak kena 1 June enggau Hari Kaamatan kena 31 Mei nyadi hari besai ba selampur menua.

Sapit Presiden DTTAS, Ricky Sani enggau Sekretari Komunikesyen Rama DTTAS, Nelly Tawai ba sebengkah penerang begulai madah, pengawa ngaku hari besai nya beguna amat laban nya ngelai pemanah servis Perintah Besai ngagai Sabah enggau Sarawak.

NELLY TAWAI

“Pengerami Gawai Dayak nyadi hari ti pemadu besai reti laban ukai semina diintu bansa Iban aja tang bansa bukai mega baka Bidayuh enggau Orang Ulu.

“Nya ukai semina Hari Gawai Dayak aja tang nyadi sebengkah pengerami tauka chara dikena negap pemanah kaul dalam komuniti,” ku penerang nya.

Penerang nya madah, Hari Gawai mega nyadi sebengkah pengerami hari besai ti ngelaika rayat Sarawak negapka penyerakup sereta pemanah kaul rayat pupu bansa ba Malaysia.

“Siti ari peminta pemun rayat Sabah enggau Sarawak maya besetuju numbuhka Malaysia suba iya nya hak penyelai orang asal Sabah enggau Sarawak.

“Nya alai, DTTAS merambu 31 Mei enggau 1 June diaku nyadi hari besai ba selampur Malaysia lalu haribulan tu patut digazet nyadi hari kemisi selampur menua berengkah ari taun baru tu ila.

“Pekara tu deka meri peluang ngagai rayat Sabah enggau Sarawak ti diau ba Semenanjung Malaysia pulai ke menua diri ngintu hari besai tu,” ku penerang nya.

BERITA LAIN

Rampa menua, budaya Ulu Entabai pematak SIE

PEMANAH rampa menua, peneleba ngatur kem entukar besai ba tebing sungai sereta penyelai adat enggau budaya komuniti Iban nyadi pekara pematak raban program Sarawak Interior

Hari keterubah richah

SRI AMAN: Kompleks Lumba Sri Aman kemari richah laban mensia mayuh udah belabuh ngelawa Program Sarawakku Sayang (SKS) Sri Aman ti diatur tiga hari berunggu

BERITA TERBARU