KUCHING: Kaban Kunsil Nengeri (ADUN) Satok, Datuk Ibrahim Baki dichiri nyadi Sapit Menteri Utiliti (Sarawak Energy Berhad enggau PETROS) ba sebengkah pengawa rasmi di Astana Negeri Sarawak, ditu tadi.
Iya angkat sumpah ba mua Tuai Pemegai Menua (TYT) Sarawak, Tun Pehin Sri Dr Wan Junaidi Tuanku Jaafar seraya dikemata Premier Sarawak, Datuk Patinggi Tan Sri Abang Johari Tun Openg.
Ibrahim, ti dipilih nyadi Mandal Presiden Parti Pesaka Bumiputera Bersatu (PBB) ba pengawa bepilih parti bulan Februari tu tadi lalu besemaya bejalaika pangku pengawa enggau manah sereta taluk ngagai Sarawak sereta Perintah Malaysia.
“Aku besumpah deka bebendar bejalaika pangku pengawa enggau asi sereta meri penaluk ngagai Sarawak enggau Perintah Malaysia,” ku iya.
