KUCHING: Sapit Sekretari Perintah Nengeri Datu Ik Pahon Joyik udah dipadu nyadi Presiden Gerempung Dayak Bidayuh (DBNA).
Iya dipilih megai penuduk nya ungkup renggat 2020-2022 maya Pengawa Baum Tiga Taun Sekali (TGA) Ke-9 DBNA ke diatur ba Indu Opis DBNA di Jalai Kumpang ditu, kemari.
Penuduk nyadi sapit presiden dipegai Charlie Ungang lalu Profesor Dr Kismet Hong Ping, Dr Clarence Jerry enggau Joseph Jindy dipilih nyadi mandal presiden.
Maya tu mega Jubilant Austinway dipilih nyadi Sekretari Besai DBNA.
BA TGA tu, DBNA sekali agi milih Dato Sri Michael Jawong nyadi Ketuai Penyanding Penemu DBNA.
Aum serak tu bela dikena berandauka pekara dibantai tiap iti pati gerempung lebih agi bekaul enggau tanah sereta pekara bekaul enggau komuniti Bidayuh.
