BAU: Lori ti ngundan ramu dipelaba berega RM18,000 udah mujur ditan raban penerit adat ari Opis Kampung Sarawak (JHS) urung pukul 11.30 pagi di Simpang Tondong, Jalai Bau – Kuching, kemari.
Pengari JHS madahka seraban Penerit Adat ari Opis Kampung Kandang Menua Kuching udah ngetan sebuah lori urung pukul 11.30 pagi.
“Kitai ngetan enggau meresa lori ti ngundan ramu lalu deriba lori nya puntan mantaika sebarang dokumen bekaul ramu ti dibai iya,” ku pengari JHS.
Asil pengawa meresa tetemuka lori nya mai 149 ramu bemacham pemesai tang nadai surat pemendar ari Opis Kampung Sarawak lalu tu siti penyalah dibaruh Seksyen 95 (1), Ordinan Hutan Sarawak 2015.
Semua barang kes nyengkaum sebuah lori, 4 unit anak kunchi lori enggau dua kimbis udah disimpan di Opis Kampung Kandang Menua Kuching ungkup pansik bukai.
Kuching ngundan 149 ramu bemacham pemesai.
