Kaban Asadia nambah penemu baru

KUCHING: Akademi Serakup Dayak Iban Sarawak (Asadia) mujur ngatur kelas belajar nanam chabi ngena chara fertigrasyen kena 11 nyentuk 12 Januari tu tadi.

Kelas dua hari berunggu nya diatur nengah program Raban Agropreneur Asadia ba Opis Sadia enggau Palan Pemansut Pemakai Rampangi (TKPM-Rampangi) ditu.

Maya tu, pengari TKPM Rampangi, Cooplay Nyipa ngajar sida chara nanam chabi fertigrasyen nyengkaum kereban diguna enggau bansa paung chabi.

Bala penyereta mega bisi diajar chara ngaga sos chabi ti ulih dijual kelimpah ari dikena diri empu.

Nengah program tu mega, Asadia ngerandang jalai ungkup raban diselinting nambahka penatai pemisi nengah dagang produk chabi ditanam sida.

BAKA TU… Bala penyereta diberi peluang meda chara ngaga sum chabi fertigrasyen.