KUCHING: Pemutus Perintah Sarawak ngubah Kanun Tanah 2018 endang engkeman endar laban meri kuasa undang-undang lalu ukai deka ngerampas tanah rayat baka dituduh sekeda piak.

Kepala Menteri Datuk Patinggi Abang Johari Tun Openg madah, kort sebedau tu semina ngaku Pulau Galau, Pemakai Menoa enggau Hak Tanah Adat Bansa Asal (NCR) aja tang nadai kuasa ari sukut undang-undang.

“Udah nya kitai berunding enggau bala ketuai raban bansa datai ari bansa bumiputera bukai lalu ngubah kanun tanah nyadi wilayah domain.

“Nya alai kitai ngaum Seksyen 5 ti ngaku Pemakai Menoa, Pulau Galau enggau tanah NCR udah nya disukat di baruh Seksyen 6 sebedau dibagi entara peranak nitihka Seksyen 18,” terang iya.

Abang Johari mansutka jaku nya lebuh bejaku nangguhka Forum Kanun Tanah (Ubah) 2018 ditu tadi.