ARTIKEL

Kaunsil Kraf Sarawak ransing ngelati industri kraf Sarawak

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

BALAI RINGIN: Kaunsil Kraf Sarawak (SCC) deka majak ransing ngelati industri kraf Sarawak nengah pemansang pengelandik, inovasyen produk, pansik sereta pengerembai makit.

Tuai Pegawai Eksekutif SCC Suriya Charles Buas madah, pengeransing nya nyata dipeda ari bemacham program dipejalai ari baruh Pansik enggau Pemansang (R&D), Makit enggau Unit Pemansang Industri (UPI).

“Bala kami naka diatu udah ngatur 39 program ke marit 1,030 penyereta ari baruh UPI, 36 program (282 penyereta) ari baruh Ngelaku enggau Makit sereta semilan program (230 penyereta) ari baruh R&D, SCC.

“Semua program tu diatur kami laan pengelandik asal patut disetipak enggau utai diguna makit maya diatu ari ngemanah gaya langkar enggau kualiti produk, kreativiti enggau inovasyen, nambahka produktiviti, ngaga tungkus enggau chap dagang sereta strategi makit ke engkeman agi,” ku iya.

Iya nyebut pekara nya ba Pengawa Nutup Woksyop Kraf SCC ba Pelilih Pantuke dipenyadika Sapit Menteri Dagang Temuai, Industri Kreatif enggau Seni Pemerindang Sarawak, Datuk Snowdan Lawan di Depo Balai Ringin, kena Hari Satu.

Iya madah, pangku pengawa SCC ukai semina beratika pengawa ngintu pesaka aja, tang mungkur pemansang kapasiti pemekuh kraf, orang dagang enggau ngerembaika makit.

Ku Suriya, Industri kraf ukai semina ngaga produk fizikal aja, tang ngaul pengawa ngintu identiti enggau budaya peranak Sarawak ke kaya enggau pengelain pengelandik asal ke bisi pengulih tinggi ungkup komersial.

Nya alai, iya ngarapka pemekuh kraf ba nengeri tu ukai semina ulih ngaga produk bisi kualiti aja tang ulih dijual dikena ngulihka belanja.

Dulu ari nya, bisi 52 iku udah ngulu Woksyop Ngaga Kuas Balau ke udah diatur dua renggat latih iya nya di Rumah Bonny, Kampung Sungai Mansau ari 21 ngagai 22 Julai enggau di Rumah Junau, Kampung Isu Pulor, Pantu bermula ari 13 ngagai 14 Ogos. — EDISI UKAS

BERITA LAIN

Huang hulur bantuan mangsa kebakaran Rumah Sibar

SARIKEI: Empat keluarga yang terjejas selepas empat pintu di Rumah Sibar Duat, Lubok Lemba, Ulu Sarikei musnah dalam kebakaran, menerima bantuan daripada Timbalan Menteri Perladangan

BERITA TERBARU