SIBU: Gerempung Pengajar Sarawak (STU) nerima manah gerah ari Menteri Besai ti madahka menua tu deka bekenaka Gerah Nyekat Pejalai berengkah ari kemari berindik ari pengerekai Covid-19.

Presiden STU Macky Joseph madah, gerempung sida bela minta semua pengajar enggau nembiak seruran nemu berita bekaul penyakit nya.

“Maya kemisi tu bala nembiak tau belajar kediri di rumah sida.

“Pia mega kitai minta semua nyengkaum bala pengajar semampai nitihka pengerembai berita kelebih agi ti dipansutka opis menteri bekaul enggau penyakit tu,” ku iya nengah berita tadi.

Kelimpah ari nya ku Macky, STU muji pemutus Perintah Sarawak ngelanjarka kemisi ketegal menua benung betapi enggau Covid-19.

“Taja pia, STU ngelalau semua bela bejaga baikka pengerai enggau pemeresi diri tauka ba diri sebilik,” ku iya madah baru.