Kes Dun Pujut ambika teladan

KUCHING: Orang ti ngaul diri ba pengawa politik patut ngembuan ati lurus, ku Adun Telang Usan Dennis Ngau.

Ku iya, pemutus Kort Besai ningkilka Dr Ting Tiong Choon ari penuduk Dun Pujut siti pekara ti patut nyadi teladan ngagai genap iku kaban politik bukai.

“Nitihka penerang dibantai ba Aum Besai, pekara ke amat deka ditemu baka ke dipeda kitai seharitu.

“Tang iya (Tiong Choon) majak ngelaban pemutus Dun lebuh nya,” ku iya lebuh dirandau Suara Sarawak pengudah pengudah pengawa nyain Sempekat Pemereti Ati (Mou) Kenyalang Gold Card ba sebuah hotel tebilang ditu, tadi.

Taja pia ku Dennis, tu pemutus ari Kort Besai, ukai GPS.

“Nadai utai ulih digaga laban kitai endang idup bepanggai ba atur enggau undang-undang,” terang iya.

Suara Sarawak