Korea Selatan meri 50,000 tan berau ngagai enam buah menua ke suntuk pemakai

SEOUL: Korea Selatan deka ngagihka bantu 50, 000 tan berau ngagai enam buah menua ke dituntung penusah suntuk pemakai ketegal pandemik Covid-19, ku ripot Ejensi Berita Yonhap.

Bantu nya dianjung ngagai raban kampar enggau sida ke suntuk pemakai baka di Yaman, Ethiopia, Kenya, Uganda, Syria enggau Laos nengah kerejasama Program Pemakai Dunya (WFP) taun tu, ku Menteri Betanam Betupi, Pemakai Enggau Pekara Luar Mengeri kena Hari Empat tu tadi.

Seoul mungkal program nya kenyau 2018 suba lalu taun nyin kemari sida bisi nganjung bantu pemakai ngagai Yaman, Ethiopia, Kenya enggau Uganda. Korea Selatan dipelaba berengkah nyadung bantu berau nya kena June tu.-Bernama

Suara Sarawak