Lima palan gis hidrogen ditumbuh

KUCHING: Perintah Sarawak merambu deka numbuhka palan hidrogen selampur menua tu.

Kepala Menteri Datuk Patinggi Abang Johari Tun Openg madahka kerita ti ngena teknologi gis hidrogen mantu nyaga pemeresi rampa menua kelimpah ulih ngena pemansut asal ari ai menua tu ungkup pekara ti beguna.

“Tu sebagi ari pengawa pansik enggau pemansang (R&D) ke alai kitai ulih ngena ai ti nyadi pemansut asal pemadu mayuh ba Sarawak ti meri penguntung ngagai kitai.

“Taja pia, kami deka beratika pengulih ari R&D tu kelebih agi ba pemansut gis hidrogen ditu,” ku iya.

Abang Johari madah munyi nya lebuh dirandau raban pemberita pengudah bejadika pengawa nutup Sarawak Invention, Innovation & Design Expo (Siidex) 2019 di Palan Aum CIDB ditu tadi.

Suara Sarawak