MCMC: Bejimat kelalu mayuh akaun pelesu di media rama

KUALA LUMPUR: Komiti Komunikasyen enggau Multimedia Malaysia (MCMC) ngelalau mensia mayuh bejimat enggau akaun pelesu ke majak nambah ba media rama.

Opis Komunikasyen Korporat MCMC ba sebengkah penerang ngelalau penguna anang mudah pechayaka akaun pelesu nya enggau mesti bejalaika atur ke patut enti sida tetemuka akaun nya.

Terang opis nya, mensia mayuh ulih ngaga ripot pasal akaun nya ngagai Ripot Akaun Pelesu ti disediaka penyedia pelasar media rama ngambi beratika atur bukai nitihka Standard Komuniti ti ditetapka.

“Pekara baka nya mesti diseliah ngambi nagang berita ti ngasuh saru penemu enggau ngembuan tuju bukai ke tau ngeruga pengelikun menua.

“Akaun pelesu agi nyadi taja penyedia pelasar media rama benung chakah ngenukuka penulin akaun penguna,” ku penerang nya.

Taja pia, opis nya madahka penguna seruran bejaga enggau akaun pelesu laban akaun nya ngembuan tuju ke enda manah enggau ngereja pengawa ke enda menuku.

“Penyedia pelasar deka tetemuka akaun tu pengudah sistem sida nemu pekara ke enda manah tauka enti penguna ngeripot ngagai sida.

“Nagang akaun pelesu nya entara chara nagang salah guna enggau nyaga pekara bukai mesti dikemerat.

Berebak enggau nya, opis nya madahka MCMC ngelalau penguna seruran bejimat kelimpah nyeliahka diri ari akaun pelesu tu.-BERNAMA.

Suara Sarawak