ARTIKEL

Sapit Menteri Besai ti mega Menteri Idar Kuasa enggau Transformasyen Ai (PETRA), Datuk Amar Fadillah Yusof. FOTO UKAS

Meseti landik ngena teknologi digital, AI

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Raban Gempung Parti Sarawak (GPS) meseti landik nguasa teknologi digital enggau pemintar digaga (AI) dikena napi pengerembai berita bula enggau jaku petenah sepanjang kimpin Pengawa Bepilih Besai (PRU) Sarawak Ke-13.

Sapit Menteri Besai ti mega Menteri Idar Kuasa enggau Transformasyen AI (PETRA), Datuk Amar Fadillah Yusof madahka pemansang teknologi kemaya hari tu ngemendarka sada nyawa, mua enggau tubuh siku – siku orang digaga ngna AI nyentuk tau ngasuh pengundi saru penemu.

“Ba jeman kemaya hari ke moden, jeman digital, jeman AI, mayuh utai ulih nyadi ke alai nyawa kitai, mua kitai, tubuh kitai digaga ngna AI, tang kebendar nya ukai kitai,” ku iya.

Fadillah bejaku munyi nya ba Konvensyen Khas Parti Pesaka Bumiputera Bersatu (PBB) Zon Selatan Sarawak ba Palan Konvensyen Borneo Kuching (BCCK), ditu, kemari.

Iya madahka raban parti patut ngembuan penemu enggau penau ngna teknologi nya dikena ngetanka naratif tauka penemu negika PBB enggau GPS ari dibalut sekeda raban.

Berindik enggau nya, iya ngansak raban nembiak bejalaika tanggungpengawa besai agi ba strategi komunikasyen parti, kelebih agi nengah pengelandik ngna teknologi pemadah enggau media rama.

Iya madah, raban nembiak ukai semina patut ngaul diri ba pengawa kimpin ngna chara ti konvensional aja, tang patut nyadi orang ke dulu meri penerang bekaul polisi enggau pemujur perintah Sarawak ngagai komuniti.

“Raban tu patut ukai semina ngantung poster, bekimpin ari rumah ke rumah aja tang mega bekimpin nengah media rama.

“Nyadi, kitai patut ngempung semua pengelebih kitai sereta nguasa teknologi, kelebih agi nengah chara ngaul raban nembiak ke semak agi enggau dunia teknologi pemadah,” ku iya.

Fadillah nandu, chara bekimpin mega beguna ka pengawa ngempung semua raban nyengkaum nembiak enggau orang indu ngambi pengawa bekimpin ila ulih dikenataika nemban agi.

Berindik ari nya, iya madah semua raban parti deka belabuh bekimpin pengudah pengawa ngantung nama chalun kena 28 November tu ke alai lalu mantaika rikod pemujur perintah ngagai rayat sereta ngasuh sida terus milih PBB enggau GPS.

“Kitai udah bisi rikod enggau fakta ti deka dibantai ngagai rayat ngambi sida milih kitai baru ngiring Sarawak ba timpuh lima taun ti deka datai.

“Aku andal ke semangat sereta pengering ti dikembuan kitai, kitai ulih menang besai lalu pechaya ke penyerakup raban PBB Zon Selatan ulih nyaup nentukа pemujur besai ungkup PBB enggau GPS ba PRU Sarawak Ke-13 tu,” ku iya nyemetak.

BERITA LAIN

Rintai nama dibantai 25 November tu

KUCHING: Gempung Parti Sarawak (GPS) meri ulu lungga deka ngempung chalun biak enggau bepeneleba ba rintai nama pengari sida dikena napi Pengawa Bepilih Besai (PRU)

UTS ulih ngemudi pansik perubat integratif

SIBU: Universiti Teknologi Sarawak (UTS) dipinta nyerungkai bidang perubat integratif ke ngemup penemu pakar perubat Timur enggau Barat ke ngna manah pengaya biodiversiti Sarawak dikena

BERITA TERBARU

Rintai nama dibantai 25 November tu

KUCHING: Gempung Parti Sarawak (GPS) meri ulu lungga deka ngempung chalun biak enggau bepeneleba ba rintai nama pengari sida dikena napi Pengawa Bepilih Besai (PRU)

UTS ulih ngemudi pansik perubat integratif

SIBU: Universiti Teknologi Sarawak (UTS) dipinta nyerungkai bidang perubat integratif ke ngemup penemu pakar perubat Timur enggau Barat ke ngna manah pengaya biodiversiti Sarawak dikena