ARTIKEL

UTS ulih ngemudi pansik perubat integratif

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

SIBU: Universiti Teknologi Sarawak (UTS) dipinta nyerungkai bidang perubat integratif ke ngemup penemu pakar perubat Timur enggau Barat ke ngna manah pengaya biodiversiti Sarawak dikena negapka pansik sereta inovasyen ba sektor pengerai.

Premier Sarawak, Datuk Patinggi Tan Sri Abang Johari Tun Openg madah, perambu nya seriris enggau pemansang Fakulti Perubat UTS ke ulih nyadi pelasar nyerungkai pampang baru ba bidang perubat.

Ku iya, pengaya biodiversiti Sarawak bisi pengulih besai diserungkai dikena ngela kereban asal ke tau dikena ba pemansang chara berubatka penyakit jemah ila.

“Nya alai, aku ngasaika laban kitai ngembuan biodiversiti ke tau nyadi pemun dikena ngubat penyakit, engka penyakit ke baru, nya alai manah endar UTS ngepunka pelajar ba pekara tu,” ku iya.

Abang Johari nyebut jaku nya lebih Pengerami Konvokesyen Ke-11 UTS ditu, ensanus.

Iya madah baru, penemu pakar perubat Timur, nyengkaum ngna utai asal enggau herba, tau ditingkap ngna chara saintifik enggau digempung ngna teori sereta chara perubat Barat.

Berebak enggau nya, pemansang teknologi pemintar digaga (AI) enggau teknologi genetik bela ngerandang dimensi baru ba pansik perubat, lebih agi ngaga analisis penyakit sereta ngelala chara berubat ke sidi.

“Ari ngena kededua penemu tu, aku pechaya bidang pengerai jemah ila deka bepanggai ba pengawa bekenaka AI enggau teknologi genetik.

“Nengah teknologi tu, penyakit ulih dianalisis enggau silik agi ngna AI.

“Enti kitai ulih ngelala sebatian ke engkeman, tu tau mantu mutar penanggul pengerai jemah ila.

“Aku ngasaika tu siti pampang baru dalam bidang perubat,” ku iya.

Iya mega madah, chara tu bela ulih meri awak ngagai pansik lenak agi bekaul mayuh bansa penyakit, nyengkaum riman, ke ngna manah penemu pakar perubat moden, teknologi pemadu maju enggau pemansut biodiversiti.

Nya alai, iya ngarapka UTS ulih ngemudi pengawa nyerungkai bidang nya nengah pemansang Fakulti Perubat, lalu negapka pangku pengawa institusyen nya ba pansik, inovasyen enggau pemansang modal mensia ba sektor pengerai. – EDISI UKAS

BERITA LAIN

BERITA TERBARU

Moraes Dalam Radar The Cats

KUCHING: Penyerang Selangor FC, Chrigor Moraes menjadi antara pemain yang diidamkan Kuching City FC, namun kekangan kewangan dan kontrak menjadi pertimbangan utama untuk mendapatkan khidmat

Kerusi DUN di Parlimen Bandar Kuching panas

Di atas kertas, tiga kerusi “bandar” di Parlimen Bandar Kuching bakal menyaksikan pertembungan tumpuan. Sudah tentu ia melibatkan dua musuh tradisi — DAP dan SUPP.