ARTIKEL

Abang Johari ketika berucap pada majlis perasmian Konvensyen Khas PBB Zon Selatan. | FOTO: GHAZALI BUJANG/RAMIDI SUBARI

Rintai nama dibantai 25 November tu

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Gempung Parti Sarawak (GPS) meri ulu lungga deka ngempung chalun biak enggau bepeneleba ba rintai nama pengari sida dikena napi Pengawa Bepilih Besai (PRU) Sarawak Ke-13 kena 12 Disember tu.

Premier Sarawak ke mega Chairman GPS, Datuk Patinggi Tan Sri Abang Johari Tun Openg madah, chara nya entara pekara ti diperati lebih nentukа rintai nama chalun.

Taja pia, iya ke mega Presiden PBB madahka apin besedia mantaika sebarang nama nyengkaum penyandang ke deka ditan tauka dibuai.

Kelimpah ari nya, Abang Johari minta semua raban nganti penerang rasmi rintai penuh 82 chalun GPS ti dirambu kena 25 November tu.

“Kami deka madah ngagai kita (media) kena 25 November tu ila. Semua 82 iku chalun. Nganti dulu, ila bisi sida ari opis ngangau ke kita,” ku iya.

Abang Johari madah munyi nya lebih dirandau pemberita pengudah bejadika Konvensyen Khas Parti Pesaka Bumiputera Bersatu (PBB) Zon Selatan ba Palan Konvensyen Borneo Kuching (BCCK), ditu, kemari.

Dulu ari nya, iya meri kelai empat penyandang ari PBB deka bisi peluang ngetanka penuduk sida iya nya Datuk Ibrahim Baki (Satok), Datuk Fazzrudin Abdul Rahman (Tupong), Datuk Hamzah Ibrahim (Stakan) enggau Datuk Martin Ben (Kedup).

Taja pia, ku iya, pangku pengawa sida apin dikenuku chara rasmi lalu semina deka ditemu pengudah pengawa mantaika chalun GPS.

Berebak enggau nya, Abang Johari mega agi beentelah lebih ditanya bekaul peluang mayuh agi chalun indu dibantai ba pengawa bepilih tu enggau nadai meri sebarang penetap.

Iya madah, parti nya diatu beratika pangku pengawa disan PBB sereta nentukа gempung nya sedia napi pengawa bepilih.

Bekaul konvensyen nya, iya nerangka Zon Selatan udah nembuka siri aum pengudah program ke sebaka diatur ba Zon Utara enggau Tengah.

Iya madahka siri tu nyadika pelasar ngagai tuai parti ngulihka penemu kaban sereta beratika tetap pemansang ba kandung menua sida empu dikena mantu nyiap diri napi pengawa bepilih.

Timbal ti diterima mega nyadika lalu ngenegapka penyikap raban GPS ti mungkur empat parti komponen iya nya PBB, Parti Sa’ati Rayat Sarawak (SUPP), Parti Rayat Sarawak (PRS) enggau Parti Demokratik Progresif (PDP).

BERITA LAIN

UTS ulih ngemudi pansik perubat integratif

SIBU: Universiti Teknologi Sarawak (UTS) dipinta nyerungkai bidang perubat integratif ke ngemup penemu pakar perubat Timur enggau Barat ke ngna manah pengaya biodiversiti Sarawak dikena

BERITA TERBARU

UTS ulih ngemudi pansik perubat integratif

SIBU: Universiti Teknologi Sarawak (UTS) dipinta nyerungkai bidang perubat integratif ke ngemup penemu pakar perubat Timur enggau Barat ke ngna manah pengaya biodiversiti Sarawak dikena

Moraes Dalam Radar The Cats

KUCHING: Penyerang Selangor FC, Chrigor Moraes menjadi antara pemain yang diidamkan Kuching City FC, namun kekangan kewangan dan kontrak menjadi pertimbangan utama untuk mendapatkan khidmat