Nadai notis kompaun diterima PRS

KUCHING: Parti Rakyat Sarawak (PRS) nadai nerima sebarang notis kompaun ari Komiti Nagang Makai Suap Malaysia (SPRM) bekaul parti nya dipadahka nerima belanja ari 1MDB.

Sapit Kepala Menteri ti mega nyadi Presiden parti nya Tan Sri James Jemut Masing madahka sida nadai mayar sebarang kompaun ngagai SPRM naka diatu.

“Sida nadai ngasuh aku mayar nama-nama, nama kebuah aku patut mayar?

“Naka diatu sida nadai nganjung sebarang notis tauka nama-nama pekara bekaul. Nganti aja mih, ila kitai meda,” terang iya.

Masing madah munyi nya lebuh dirandau pemberita pengudah bejadika Pengerami Makai Lemai Opis Kereja Raya (JKR) beserimbai enggau Forum Pengelikun enggau Kualiti ba sebuah hotel tebilang ditu, malam tadi.

Naka diatu, SPRM udah meri notis kompaun ngagai 80 iku orang ngatika diri enggau entiti ke ditemu bisi nerima belanja penyampau RM420 juta dipadah datai ari 1MDB.

Ari penyampau nya, PRS siti ari parti politik ti ditemu bisi dalam rintai penerima belanja nya.

Suara Sarawak