DEBAK: Pengawa nguasa Jaku English ba nembiak sekula primari terus diansah nengah pengawa ngatur Karnival Jaku English Renggat Bagi Menua Betong ti diatur di Balai Millennia Debak.
Sapit Menteri Pemansang Pengelantang Komuniti Sarawak ti mega Kaban Kunsil Nengeri (ADUN) Saribas, Datuk Mohammad Razi Sitam datai bejadi karnival nya, Hari Tiga tu tadi.
Karnival ti diatur begulai nya sebagi ari inisiatif beguna negap pengawa nguasa Jaku English ba nembiak sekula bepun ari sekula primari. Bisi mega diatur pengawa nyuaka setipikit ngagai bala pengajar ti ngemujur atur program seraya nyuaka perais ngagai nembiak ti mujur ba bemacham pekit ti diatur sepanjai karnival nya
. Sama datai, Pegawai Menguasa, Opis Pelilih Mit Debak, Mohd Khairurani Mohd Ibrahim, pengari Pegawai Pelajar Pelilih Betong, Kepala Pengajar Sekula Primari (SK) Debak, Jelani Suhaili, Prinsipal Sekula Sekondari (SMK) Saribas, Nur Liana Lim Abdullah sereta pengajar ari bemacham sekula di Bagi Menua Betong. – EDISI UKAS
