ARTIKEL

Pelajar kunchi ngemunas penyeranta – Jugah

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Raban apai indai patut ngemeratka pekara pelajar bala anak laban tu ulih ngubah enggau ngangkatka tikas idup sida sebilik.

Adun Lubok Antu Jugah Muyang ngingatka raban apai indai seruran ngemeratka pelajar bala anak laban penemu tu nyadi reta pemadu beguna ngagai sida.

“Semina nengah pelajar aja ulih ngubah tikas idup kita sebilik.

“Penyeranta di kandang menua pesisir ulih teputar nengah pelajar,” ku iya madah nyemetak.

Iya mansutka jaku tu lebuh bejadika Program Merarau Mantar Gawai Serakup Apai Indai enggau Pengajar (PIBG) Sekula Primari (SK) Ridan Lubok Antu, ditu tadi.

TIBAR JAKU PERANSANG… Jugah ngingatka bala apai indai ngemeratka pelajar lebuh pengawa bejadika Program Merarau Mantar Gawai PIBG SK Ridan Lubok Antu, ditu tadi.

Ku iya, pengiruh bala pengajar kelebih agi sida ti ngajar di menua pesisir patut dipuji laban sida nadai beleman dianjung gawa sereta liat ati napi pemar laban deka meda bala nembiak teulihka pelajar menyana.

Berebak enggau nya, Juga ngemendarka agih belanja penyampau RM20,000 dikena ngemanahka Endur Makai SK Ridan.

Kelimpah ari nya, RM20,000 diagih dikena meli jemari baru ungkup guna bala nembiak diau bemalam di sekula.

Sepenyampau RM56,000 mega diagih ngagai Kaunsil Ngatur Komiti Genturung Pendiau (MPKK) Ridan dikena ngemujurka aktiviti enggau ngemansangka Tabika Kemas.

Sama datai Pemesai Pelajar Pelilih Lubok Antu Jim Andrew Janggi, Pemesai Bomba Gemong Batu, bala tuai rumah, bala pengajar enggau apai indai nembiak sereta bala bukai.

BERATKA KAUL… Urung 500 iku nyengkaum bala tuai rumah ngerichahka agi atur Program Merarau Mantar Gawai PIBG SK Ridan Lubok Antu, ditu tadi.

Timbal diterima ari bala apai indai ke datai ngulu program nya mega chukup manah.

Bisi 12 tuai rumah datai ari kandang ngelingi SK Ridan mega bisi datai nyempulang urung 500 iku temuai bukai.

“Kita ke nyadi apai indai enda tau enda nganjung anak besekula ngiri penemu ti nyamin pengidup sida dudi hari,” ku iya nandu.

Nya alai ku iya, dikena nyapai tuju enggau juluk pelajar menua sebagi ari pengawa ti ulih dikereja kitai iya nya ari peneguh kaul sekula enggau apai indai nembiak nengah PIBG.

“Pangku pengawa apai indai, pengajar enggau komuniti di menua tu patut seruran dikaul teguh.

“Kaul serakup tu nempa pemereti ati enggau bekunsika pekara ti beguna pulaika pemaik begulai,” ku iya.

Iya mega ngingat semua raban sedarka pengawa bala pengajar ti ngajar di menua pesisir kelebih agi di sitak Parlimen Lubok Antu napi mayuh penanggul sereta suntuk perengka guna pemun dibanding sida ke ngajar di mengeri.

BERITA LAIN

2,000 belanda seraya ngintu rampa menua

KUCHING: Urung 2,000 penyereta ngulu program belanda pengasih besuluka jaku Run To Save Lives 4.0 ti belabuh ba mua Majlis Bandaraya Kuching Selatan (MBKS), ditu

BERITA TERBARU

Pelakon veteran, Kamal Bakar meninggal dunia

KUALA LUMPUR: Pelakon veteran Kamaruldzaman Bakar atau lebih dikenali Kamal Bakar meninggal dunia di Hospital Melaka awal pagi ini. Pemergian pelakon itu pada usia 62

Awas cuaca panas, jerebu

BARU-BARU ini, kita dikejutkan dengan insiden strok haba dan demam yang melibatkan kanakkanak. Ia disebabkan keadaan cuaca panas atau fenomena El Nino yang turut dipengaruhi

Tujuh lelaki ditangkap terlibat sabung ayam

MIRI: Tujuh lelaki berjaya ditangkap dalam serbuan sabung ayam di kawasan Kampung Bersatu, di sini, baru-baru ini. Ketua Polis Daerah Miri Asisten Komisioner Alexson Naga

IPS rangkul gelaran juara

KUCHING: Pasukan Institut Pertanian Sarawak (IPS) berjaya merangkul gelaran juara Kejohanan Bola Sepak Piala Komuniti Mambong 2024. Barisan kendalian Nasrul Johan (ketua jurulatih) berjaya menumpaskan