LUNDU: Unit Pekara Pengarap Bukai (Unifor) udah ngemendarka belanja penyampau RM1.17 juta di Tanjong Datu kenyau ari taun 2017 nyentuk 2019.
Kaban Kaunsil Nengeri (Adun) Tanjong Datu, Datuk Amar Jamilah Anu madah, belanja dikemendar nya ungkup tujuh projek pemansang rumah sembiang ke bisi dia.
“Agih belanja tu ngayanka penyiru Perintah Sarawak nentuka semua rumah sembiang bela dikemansang sereta ampit ngasaika buah pemansang nitihka pematut.
“Nya alai rayat patut ngenang penyiru perintah ke diatu lalu patut malas pemanah perintah tu nengah sukung tegut,” ku iya.
Iya mansutka jaku nya rambau Pengawa Nyuaka Chek Unifor enggau Setipikit Chiri Ketuai Raban Bansa enggau Ketuai Komuniti (KMKK) Pelilih Lundu, Hari Dua tu tadi.
