KUCHING: Peminta gas ba tikas dunya dipelaba deka ngerembai ngelui ari taun 2030 kelebih agi ba serata Asia enggau menua luar.
Ku Premier Sarawak Datuk Patinggi Tan Sri Abang Johari Tun Openg, bekau ari pekara nya, Sarawak keran deka nyukung Malaysia nyampur kuasa sereta meda gas tumbuh ari 43 peratus ngagai 56 peratus entara taun 2023 nyentuk 2050.
“Tu nandaka pemesai guna gas meransang pengetan ekonomi enggau transisyen kuasa di menua kitai.
“Nya kebuah, Sarawak mantaika Pelin Tunga Kuing Gas Sarawak (SGR) ba taun 2021 ngambika ulih ngelala peluang transformatif gas awakka ulih ngerembai seraya ngemuntang pejalai ubah menua tu,” ku iya.
Abang Johari bejaku munyi nya rambau Gempuru Tunga Kuing Gas Sarawak ba sebuah hotel ditu, tadi.
