KUALA LUMPUR: Opis Pemansang Mensia Mayuh (Kemas) nagit pengajar Tabika Kemas diambi gawa enda tau enda bisi degree dalam timpuh 10 taun.
Tu entara juluk udah dirintai dalam Pelin Kualiti Servis Pelajar Tumu Anak Mit Kemas (PKPPAK) 2020-2030, dikena nambahka tikas profesionalisme pengajar sereta nyamin kualiti pelajar anak mit.
Menteri Pemansang Menua Pesisir Datuk Seri Rina Harun madah, perambu ngubah tikas pelajar tu agi diperunding enggau Opis Gawa Perintah (JPA).
Ku iya, enti ulih dipejalai ila, bala pengajar Tadika Kemas tauka Pemansang Raban Bansa ti diatu udah bisi diploma, deka diberi peluang nampung pelajar ngagai tikas degree chara berenggat.
“Diatu bisi 9,900 (urung 70 peratus) pengajar Tabika bisi Diploma Pelajar Tumu Anak Mit lalu dudi hari, kitai dekaka sida tu bisi Degree.
“Pekara tu nunjukka kitai seruran deka ngemanah kualiti pengawa ngajar enggau belajar (P&P) ba palan nyeridi anak mit nya,” ku iya.
Iya mansutka jaku nya ba aum pemberita pengudah bejadika program Kemas Talk 2019 enggau ngelancharka PKPPAK 2020-2030 ditu tadi.
