KUCHING: Penusah bah ti udah lama ngirau ke ati peranak di Batu 9, Jalai Kuching-Serian deka teputar pengudah siti projek ngaga sistem parit baru tembu.
Ku Kaban Kunsil Nengeri (ADUN) Batu Kitang, Datuk Lo Khere Chiang, projek nya beungkus RM2.5 juta ti deka tembu urung bulan Oktober 2025.
Ku iya, projek nya deka berengkah semak simpang Taman Emas, Batu 9 ti ulih nyaup mutar penusah bah ti ditapi peranak kenyau ari empat taun ti udah.
“Aku madah ke isu tu ngagai Datuk Alexander Nanta Linggi urung enam bulan ti udah.
“Iya berumban ngemendar agih belanja enggau ngerah Opis Kereja Raya (JKR) ngepunka pengawa,” ku iya ba aum pemberita di Batu 9, Jalai Kuching-Serian, ditu kemari.
