KUCHING: Perambu nangkir Kampung Kudei Baru deka dipasuk dalam pelin besai ngambi betusun sereta meruan.
Ku Kaban Kunsil Nengeri (ADUN) Satok, Datuk Ibrahim Baki, kandang menua nya beguna perambu ti manah awak pengelantang pupu raban bansa ti diau dia meruan dijaga.
“Tadi Tuai Rumah Sangi Abu madah peranak ditu udah dedat, kami deka mantu nangkir kandang menua kita.
“Siti ari pemar kita ditu laban tanah enda chukup (nadai palan endur berumah agi), tanah enda nemu besai tang ruang bilik nemu besai,” ku iya.
Ibrahim bejaku munyi nya rambau bejadi Pengerami Mantar Krismas Kampung Kudei Baru ba Balai Raya Kampung Kudei Baru ditu, tadi.
Ku iya, perambu nangkir Kampung Kudei Baru nya ila deka ngaul sekeda raban tauka ejensi perintah baka Dewan Bandaraya Kuching Utara (DBKU) enggau ke bukai.
