KUCHING: Perintah Sarawak deka ngagihka bantu RM5 juta ungkup sida ti nupi jani dirampit Renga Jani Afrika (ASF).
Ku Menteri Industri Pemakai, Komoditi enggau Pemansang Wilayah, Datuk Seri Dr Stephen Rundi Utom, Opis Veterinar Sarawak (DVSS) benung ngelala enggau ngenukuka sida ti nupi jani chara komersial enggau ladang dirampit ASF.
Pia mega ku Rundi, sida udah setuju ngurangka jani ti ditupi dikena nagang pengerekai ASF.
“Bantu belanja nya nyaup sida ti lenyau pun penatai pemisi ketegal pengerekai ASF tu.
“Naka diatu, dipelaba urung 32 iku ti nupi jani komersial enggau komersial ladang lalu urung 600 ladang belakang rumah udah dirampit igi penyakit nya.
“Tu nyengkaum urung 32,500 iku jani udah dibunuh,” ku iya nerang.
