BINTULU: Petronas Carigali Sdn Bhd-Sarawak Gas udah nyuaka tujuh iti laptop ngagai Komiti Penyangga Penusah Bagi Menua (JPBB) Bintulu.
Pemeri nya kelai sukung ba pengawa nagang pengerekai igi penyakit Covid-19 di Bagi Menua Bintulu.
Pengawa nyuaka pemeri nya dikenatai Menijar Besai Kanan PETRONAS Carigali Sdn Bhd-Sarawak Gas, Peter Majid Tandom ngagai Chairman JPBBB ke mega Residen Bagi Menua Bintulu, Jack Aman Luat seraya dikemata Pegawai Epidemiologi ba Opis Pengerai Bagi Menua Bintulu, Dr Azlan Arif Bolen.
Enam iti laptop deka disua ngagai Opis Pengerai Bagi Menua Bintulu seraya siti agi ungkup dikena staf ba Opis Residen Bagi Menua Bintulu.
Nangkan nya, Dr Azlan ngarika Opis Pengerai Bagi Menua Bintulu meri besai terima kasih ngagai raban Petronas Carigali Sdn. Bhd Sarawak Gas laban udah nyuaka laptop nya.
Ku iya, sida endang begunaka laptop dikena ngemujurka program betuchuk vaksin mindah kin kitu ngambi nyapai 100 peratus vaksin ungkup vaksin dos keterubah.
