SIBU: Nadai nitihka Atur Standard Pengawa (SOP) lalu nadai nyaga takah enggau pangan diri, 21 iku nyengkaum dua pengempu Rumah Asap Sibu Jaya kena kompaun RM1,000, malam Hari Tiga tu tadi
Sida dikompaun raban pematau Indu Opis Polis Pelilih (IPD) Sibu ti diketuai Sapit Ketuai Polis Pelilih Sibu Superintendan Collin Babat, lebuh meresa kedai nitihka SOP sekumbang Atur Tagang Pejalai Penyuman 9PKPP) ba Sibu Jaya urung jam 8.45 malam.
Collin madah, pengawa meresa ngelingi Rumah Asap sibu Jaya nya tetemuka bisi dua buah kedai ngelanggar SOP laban enda nyaga takah enggau pangan diri lebuh makai enggau ngirup dia.
“Kami udah mai dua pengempu kedai enggau 19 penguna ngagai Balai Polis Sibu Jaya ngambi dikompaun di baruh Peraturan 3 Peraturan Pencegahan Dan Pengawalan Penyakit Berjangkit (PPPPB) (No.7) 2020,” ku iya nerang, ditu tadi.
Ngelansa silik, palan iku lelaki enggau 13 iku indu ti dikompaun nya dipinta mayar kompaun ba Opis Pengerai Pelilih Sibu dalam kandang 14 hari ari haribulan kompaun nya dikeluar.
Pengawa meresa kedai nitihka SOP PKPP mega diuluka Ketuai Unit Nagang Penyalah enggau Pengelikun Komuniti (JPKK) IPD Sibu DSP Ariffin Bahar enggau Ketua iPolis Balai Sibu Jaya, ASP Johnson Nuing.
