KUCHING: Premier Sarawak, Datuk Patinggi Tan Sri Abang Johari Tun Openg deka nyempulang Menteri Besai, Datuk Seri Anwar Ibrahim ngulu Pengerami Makai Lemai Gawai Dayak Renggat Sarawak kena 21 June tu.
Pengerami nya disadang dipenyadi temuai dipebasa Tuai Pemegai Menua (TYT) Sarawak, Tun Pehin Sri Dr Wan Junaidi Tuanku Jaafar.Surat kangau nya diterima rambau penemuai basa diligit Komiti Besai Ngintu Gawai Dayak Renggat Sarawak ngagai Premier di Kompleks Satria Pertiwi, kemari.
Tuju diligit betuai ke Sapit Premier ti mega Chairman Komiti, Datuk Amar Douglas Uggah Embas nya ngangauka Abang Johari ngulu pengerami ke deka diatur kena 20 enggau 21 June ila.
Ba program diatur kena 20 June 2026, Abang Johari dikangau nyadi temuai dipebasa ungkup pengawa bejalai bebala mayuh Niti Daun ti diatur ba Tebing Ai Kuching.
Sama nemuai meri basa, Menteri Industri Pemakai, Komoditi enggau Pemansang Kandang Menua, Datuk Seri Dr Stephen Rundi Utom, Menteri a Opis Premier Sarawak, Datuk Seri John Sikie Tayai sereta bala temuai dipebasa bukai.
