PUTRAJAYA: Pengawa ngatur program FoodUnites 2024 ujung minggu tu di Kuching Waterfront, Kuching, Sarawak entara inisiatif mantai enggau mai mensia mayuh nemu pasal pemakai asal kelebih agi rebak biak.
Opis Menteri Penyerakup Bansa (KPN) ba sebengkah penerang kemari madah, FoodUnites ukai semina pengerami pemakai aja, tang batang tuju ngidupka baru enggau ngetan pemakai asal ti nyadi kelai penyerakup di Malaysia.
Kelimpah ari narak semengat penyerakup enggau ngenang pengelain budaya sereta pengawa asal genap raban bansa, FoodUnites mega deka ngangkat enggau pemeruan pemakai nyadi pesaka menua ke patut dijaga enggau disulur rebak biak.
“Program tu deka ngenahka laksa Sarawak ke nyadi pemakai suah dinah kelimpah enam da pemakai asal tin gari ke genap raban bansa baka asi lemak, char kuey teow, asi beriani, latok, manuk pansuh enggau kek lapis,” ku KPN.
Ambika semua nemu, FoodUnites deka dipenyadika Menteri Penyerakup Bansa, Datuk Aaron Ago Dagang kena Hari Enam, 3 Februari tu.
Bemacham isi program nganti bala pengusung nyengkaum zumba, main asal enggau pengawa mandang ke diatur nyentuk Hari Minggu, 4 Februari.
Penerang silik pasal program nya tau dipeda nengah https://www.facebook.com/PerpaduanNegara?mibextid=ZbWKwL. – BERNAMA
