KUCHING: Majlis Bandaraya Kuching Selatan (MBKS) deka ngatur eksibisyen rampa menua keterubah berengkah 29 April nyentuk 12 Mei tu ti bepalan ba MBKS empu.
Eksibisyen ba baruh Program Nempa Klimet Chelap Baru nya diatur nengah kerejasama NakedWonders sereta Kaunsil Pengeraja Asal enggau Rampa Menua (NREB).
Datuk Bandar Kuching Selatan, Datuk Wee Hong Seng madah, program nya diatur dikena meri penyedar ngagai komuniti bekaul pemesai guna nyaga rampa menua.
“Eksibisyen tu dikena meri penyedar sereta ngelakuka rampa menua meruan ba sitak Kuching Selatan ngagai sitak bukai.
“Kitai ngembuan pengandal ati ti besai ngagai semua serak komuniti ngambi bagi ba program ti deka diatur tu,” ku iya.
Wee mansutka jaku nya ba aum pemberita ba begunan MBKS, ditu kemari.
Iya madah, raban sida naka ulih numbuhka sebuah palan sekali ngetu ngambi mensia mayuh muntang bulih penerang bekaul isu rampa menua.
“Kelimpah ari nya, kitai ulih meri penyedar ngagai komuniti bekaul ubah klimet sereta ngajar sida ngaga ubah dikena nempa klimet ti manah agi ungkup dunya tu,” ku iya.
