SONG: Program Sepakat@Komuniti Renggat Pelilih Song mujur dikena meri penemu ngagai mensia mayuh bekaul enggau isu ke benung nyadi ba menua kitai kemaya hari tu.
Program tu dikemujur Sekretari Politik ngagai Menteri Dagang Dalam Nengeri enggau Pekara Penguna Malaysia Lidam Assan ba mua Opis Kaunsil Song ditu.
Berebak enggau nya, mayuh infomasyen bisi disebar ngagai mensia mayuh nengah ejensi opis perintah ke bisi nyereta program nya.
Kelimpah ari nya, program tu mai pemanah ngagai mensia mayuh awakka sida ulih berundingka pemanah pengawa perintah ti ngaduka pemansang rayat ari mudah arap ngagai berita ke dikerembai sebelah media rama.
Rambau program nya mega, bisi dikerembai mega licha pasal daya idup baru ari Opis Pengerai Pelilih Song, chara ngerara api, konvoi bemotosikal, pekit batak tali entara staf opis perintah enggau ke bukai.
