KUCHING: Nembiak sekula primari ti nyambung pelajar ngagai renggat sekula sekondari di Mukah tepasa ngambi awak dua jam pejalai nengah jalai darat, nyema diperati sida ke diau ba sitak Balingian enggau Pasar Balingian.
Adun Balingian-PBB Abdul Yakub Arbi madah, pekara tu nyadi baka tu laban sitak Balingian empai bisi sekula sekondari.
Nya alai, ku iya pengawa ngaga Sekula Sekondari (SMK) Balingian endang siti projek ke lama udah dianti rayat ba sitak Balingian.
“Pengawa ngaga SMK Balingian dibaruh Langgur Pemansang Malaysia Lumpar Ke-11 (RMK11 tampung RMK10 maya dikemendar) dikearap ulih dikelengkas dikena nentuka SMK Balingian ulih meri pemaik ngagai peranak Balingian jemah,” ku iya.
Berebak enggau nya, iya ngarap ejensi pengereja pengawa enggau opis menteri ke bekaul patut beratka pekara tu laban beratika pematut perengka guna tu digaga ungkip rayat di menua pesisir, lebih agi ba sitak Balingian.
