KUCHING: Waterfront Kuching richah enggau pengerami pemungkal Regata Sarawak enggau Festival Tebing Ai Kuching 2026, ti mandangka lumba enggau main ai, main asal nyengkaum aktiviti dagang di menua tu.
Program nya dipenyadika Menteri Dagang Temuai, Industri Kreatif enggau Seni Pemerindang, Datuk Seri Abdul Karim Rahman Hamzah ngarika Premier Sarawak, Datuk Patinggi Tan Sri Abang Johari Tun Openg ke alai pengerami tu diatur ari 23 Oktober nyentuk 1 November.
Sama bisi datai media pengerami nya kena ensanus, Menteri Besai Perlis, Abu Bakar Hamzah.
Lebuh ditanya pemberita pengudah pengerami bejadi, Karim madahka pengerami nya entara pengerami ti balat dianti, kelebih agi peranak Kuching sereta tem uai ari luar nengeri.
“Tu maya ti dianti bala tem uai kelebih agi orang Kuching, pia mega bala tem uai ke datai ari endur bukai,” ku iya.
Regata Bot Naga Antarabansa Sarawak Ke-12 ti diatur berengkah 23 ngagai 25 Oktober bisi 80 tim ari 22 buah menua lalu mungkur urung 2,450 iku penyerta.
Pekit perau naga tu deka beberuka perais mata duit penyampau semua RM200,000 trol sereta midul.
Kelimpah ari pengawa lumbe enggau main, tem uai mega ulih meda Festival Kraf Borneo Sarawak ti mandangka mayuh macham asil pengelandik jari ba 43 reruai pemandang enggau bejual.
Pengawa tu diatur Kaunsil Pemansang Krafjari Malaysia pampang Sarawak ngena rambai jaku Tu Mih Kraf Malaysia ti nyelintak deka matak penatai 125,000 iku tem uai enggau ngulihka asil jual RM2.4 juta.
Bela ngerichahka pengerami tu iya nya Program Pem andang Orang Dagang Sarawak ti diatur Opis Menteri Dagang Antarabansa, Industri enggau Pemeranak Puku (MINTRED) Sarawak.
Bisi 50 lot bejual, ti mungkur 40 reruai pemakai enggau air irup sereta 10 palan pemandang raban dagang mikro, mit enggau jelen pemesai (MSMEs) disediaka ungkup ngerichahka pengerami tu.
Bala tem uai ulih ngasaka mayuh macham pemakai, ai irup enggau produk menua tu seraya mayuh macham aktiviti meri peluang ngagai orang dagang ngelakuka dagang sida.
Kelimpah ari nya, pangau pemberindang deka ngatur mayuh macham pengawa nyengkaum pekit belagu, main muzik, pekit perau bebas enggau program pemandang fesyen etnik ti ngayanka penyelai seni enggau budaya komuniti Sarawak.
Raban pengatur mega deka ngatur program budaya iya nya Festival Gendang Melayu Sarawak ti berengkah ari 30 Oktober nyentuk 1 November.
