SARIKEI: Raban nyidi enggau nyelamat (SAR) tetemuka rengka dalam mensia dipelaba enggi orang tuai ke lenyau lebuh ngupa apung ba Sungai Mekam tiga hari ke udah.
Baya 4.5 meter pemanjai nya mujur ditangkap enggau dibunuh peranak dia ba operasyen nyidi jelu ai nya urung pukul 8.30 malam.
Ketuai Opis Bomba enggau Penyah Penusah (PBB) Sarikei, PPgB Mahmudin Narudin madah, jelu nya udah nya dibai ke darat sebedau perut diperuti urung pukul 10.53 pagi tadi.
“Sekeda rengka dalam mensia ditemu dalam perut jelu ai nya baka kaki kiba, kededua jari enggau rengka dalam ke bukai.
“Berindik ari nya, operasyen SAR dilanchar tiga hari ke udah diketu tekala nya,” ku iya lebuh dirandau.
